Skin Care: Arngeng awm chhan thenkhatte

Arngeng reh na'n product hrang hrang i hmang thin tawh a ni maithei a, chung product-te chu i duhthusamin a thawk lo a ni maithei bawk. Arngeng tihreh tuma beih a tha tehmeuh a, 'tihdam aiin inven a tha zawk' an tih thin hi i hria ang a, tun tumah hian i inven theih tawh na'n arngeng awm chhan thenkhatte kan han tarlang ang a, arngeng hnawksak tak i neih tawh loh na'n lo chhinchhiah vek i tum dawn nia.

Lukham bâl

Lukham hi kan rin aiin a bâl hma a, lukham leh mutnaa kan mamawh puante tihfai ngun hian arngeng lo awm fo thin hi engemawchen a ti bo thei. Lukhamah hian mawm leh bacteria a lo awm teuh thin a, chu chu vun kuaah a lut a, vun chhungah arngeng a lo insiam thin a ni.

Make-up sponge leh brash bal

Make-up sponge leh brash i hmante i silfai tha em tih leh i hman dawnin a fai em tih endik ziah ang che. Hengahte hian bacteria leh mawm a cham bang duh em em a, bacteria leh mawm hian arngeng a lo siam chhuak thin . A theih phei chuan chawlhkar khatah ni khat chu make-up hmang loin awm la, i complextion kha thawk laktir ve la chu chuan arngeng lo insiam tur a veng ve thei a ni.

Hmai khawih ngun lutuk

Hmai khawih hi a naupan chhiat thlak a, hmai kan khawih ngun hian kan kuta thil mawm leh bacteria awmte kan hmaiah kan tat zel a, kan hmaia lo awmsa nen a tam ta lutuk a, chu chuan hmaiah arngeng a siam duh hle a ni. 

Rilru hah

Rilru hah leh inngaihtuah nasat lutukte hi taksa hrim hrim hian a haw em em a, arngeng ngah thenkhat hi chutianga rilru hah leh inngaihtuah nasa chi chu an ni duh hle. Rilru hah paih thawlna tur ngaihtuah hram hram a tha a, tul loa inngaihtuah hah phei chu sim daih tur a ni.

Hmai phih ngun lutuk

Hmai that kan duh vang leh fai kan duh avanga hmai kan phih ngun lutuk hian kan hmaia oil awm ve tur pangngai kan silfai chak lutuk a, hei hian beisei loh lamah hmai vun chhung lam atanga oil lo chhuak a titam vak a, rin loh takin arngeng a lo insiam teuh duh a ni. Hei hi miin awih har an ti hle thin a, arngeng neih duh loh avangin an hmai an phih ngun leh lutuk thin a, keini chuan kan hre tawh a, ni khatah hmai vawi hnih bak phih loh tur a ni a, a aia tam phih chuan arngeng kan titam palh thei tih hriat a tha ang.

Thawmhnaw thlak vat loh

Thlan a tlaka thawmhnaw kan thlak vat loh hian vunah bacteria a lo awm teuh thin a, infiammi tan phei chuan thlan a chhuah hnuah thawmhnaw thlak zung zung a tha a, khawlum vang te, kea kal vangte leh hnathawh vangtea thlan a chhuahin thawmhnaw thlak vat a tha bawk.

Hairstyle

Chal leh hmai khuh deuh chhâm chi hair style duh hi awm ve a ni a, chal khuh hairstyle-a samin chal a khawih reng angah hian chalah mawm a inkhawl khawm duh a, chu chuan arngeng a thlen thin a, a theih chuan kan samin chal a khuh chuan chal khuhtu sam tihfai ngun hle tur a ni. #