Fashion: Mawng lian tana fashion thuruk

I mawng a len avangin incheinaah i buai fo thin em? "Ka mawng hi te deuh sela," tiin emaw duhthu i sam ngai em? Chutiang chu i ti lo a nih pawhin mawng lian hrim hrim an ih chuan a hnuaiah hian i tana hriat tur, i inchei dan tur thuruk kan han tarlang a, heng fashion thuruk tlemte hi lo chhinchhiah la tun chinah chuan nalh zaihin i kal tulna apiangah i kal thei tawh ang.

Kekawr

Tunlaiah kekawr hak hi fashion pangngai a ni tawh a, mahse mawng lian tak chuan kekawr lei a buaithlak duh hle a, a nihna takah chuan mawng liante'n kan inhmeh tak kekawr kan lei fuh lo fo thin a, problem lian tak a tling a ni. Mawng lian i niha kekawr i lei leh dawn chuan i mawng khuh i duh avangin kekawr mawng lianpui lei lo la, a mawng tight lam lei zawk ang che. Kekawr mawng lian i lei chuan i mawng chu a nihna pangngai aiin a lang lian ang a, a mawng tight lam, i mawng phuar i lei chuan i mawng a lan têt phah zawk dawn a ni.

Kekawr pumpui tight hak i duh chuan i mawng khun na'n scaft hmang la. Jeans i hak pawhin a mawng lianpui ha loin, a zên lam zel ha zawk ang che. A rawng i thlan dawnin uluk la, colour thim lam thlan theihnghilh suh.

Pawnfen

Mawng lian tan chuan kekawr aiin pawnfen hi a mawi zawk fo thin. Pawnfen i lei dawnin chhing lutuk emaw, fual lutuk emaw lei lo la, pawnfei sei zawng pangngai (medium) lei thin ang che. Pawnfen chi hrang hrang zingah plastic-a siam emaw, chei ropui (elegant) lutuk emaw, ngil pawrh emaw thlang lo la, pawnfen arh lutuk lo, ngil pawrh lutuk lo, a pangngai i thlan bawk a tha ang. Ipte tam tak neia design pawnfen pawh i inhmeh vak lo ang a, pawnfen pangngai thei ang ber zel i zawgn dawn nia. I ke rek a lian a nih phei chuan pawnfen arh lutuk leh ngil lutuk chu i tan a tha lo lehzual ang.

Incheina pumpui

Incheina leh mawng lian hleih hlawih hi hmanlai atanga tawha hmeichhiain an inhmeh, tun thleng pawha hmeichhe duhawm an la ni zel tih hria la, i mawng len kha zahpui suh ang che. Thawmhnaw sexy i hakin i hnung leh i koki tilang thei thawmhnaw ha lo la, awm zawn leh mawng zawn cheina awm thawmhnawte i inhmeh viauin a rinawm a ni. Hengte hi lo tichhin la, chhete tal chuan i hlawkpui ngei ngeiin a rinawm. #